Trafnidiaeth Cymunedol

Mae Dyffryn Caredig yn un o brosiectau Partneriaeth Ogwen sy'n canolbwyntio ar drafnidiaeth cymunedol.

Mae'r prosiect yma yn dilyn llwyddiant brosiect Dyffryn Gwyrdd, oedd yn brosiect 3 mlynedd ariennwyd gan Gronfa Cymunedol y Loteri Genedlaethol.

Ein bwriad gyda'r prosiect hwn yw darparu fflyd o gerbydau a beics trydan ar gyfer defnydd cymunedau Dyffryn Ogwen - Beics Ogwen a Bws Ogwen.

Rydym yn cydweithio'n agos gydag ysgolion, cymdeithasau a sefydliadau y Dyffryn i ddarparu cludiant werdd o ddrws i ddrws ar gyfer trigolion yr ardal.

Dyma'r cerbydau sydd yn rhan o fflyd Partneriaeth Ogwen:

Bysiau mini

Dau fws mini trydan - Un bws 10 sedd gyda gyrrwr a hygyrch i gadair olwyn / Un bws 16 sedd i grwpiau mwy

Prisiau yn amrywio yn ddibynnol ar bellter a niferoedd. Cysylltwch am ddyfynbris ac am fwy o wybodaeth.

Mae'r cerbydau hyn ar gael i'w llogi gyda gyrrwr sydd wedi dilyn cwrs hyfforddiant MIDAS. Roedd y bws mawr yn rhôdd gan Ynni Ogwen ac mae'n cael ei ddefnyddio yn rheolaidd gan ysgolion a chymdeithasau'r dyffryn. Defnyddir y ddau fws hefyd ar gyfer teithiau hamdden a lles - o deithiau i ganolfannau garddio, siopa mewn archfarchnadoedd, cystadlaethau chwaraeon a digwyddiadau diwylliannol.

Efan

Cerbyd trydan 7 sedd hygyrch i gadair olwyn ar gael gyda gyrrwr

Prisiau yn amrywio, gan ddechrau @65c y filltir.

Tryfan

Fan trydan 2 sedd.

Megan

Car trydan 5 sedd, hatchback ar gael i'w hurio ar TrydaNi o Ionawr, 2025 ymlaen.

Beics Ogwen

Mae gennym feiciau trydan ar gael i'w llogi neu eu benthyg.

Mae gennym feiciau hygyrch a beiciau ochr yn ochr.

Cysylltwch i ymholi am bris.

Am ragor o wybodaeth ewch i dudalen Beics Ogwen

Ar gael ar gyfer teithiau hamdden, digwyddiadau cymdeithasol a theithiau ysgolion.

Manylion Cyswllt

Fideo

Map Lleoliad

Oriel